Team RadioShack

Team RadioShack
Situación
Estáu	Estaos Xuníos
Datos
Nome oficial	Team RadioShack
Tipu	ProTeam UCI
Fundáu en	2010
Desapaecíu en	2011
Códigu UCI	RSH
Web oficial

Team RadioShack (códigu UCI: RSH) foi un equipu ciclista d'Estaos Xuníos de categoría UCI ProTeam. Empobináu por Johan Bruyneel, nel equipu corrió ente otros Lance Armstrong.

Patrocináu por RadioShack, según por delles empreses con una llarga vinculación con Armstrong, y coles mires de impulsar tamién a Livestrong (la fundación creada por el mesmu Armstrong pa la llucha contra'l cáncer), anuncióse la so creación de cara a la temporada 2010 mientres la disputa del Tour de Francia 2009 (nel que Armstrong, nes files del Astana, remató terceru tres trés años retiráu). Bruyneel y Armstrong reclutaron pal so nuevu proyeutu a gran parte de la plantía del Astana.

L'equipu tenía una estructura similar a la del desapaecíu US Postal/Discovery Channel, siendo de fechu la propietaria la mesma sociedá, CSE (Capital, Sport & Entertainment).

L'equipu sumió en 2011 en anunciándose la so integración nel Leopard-Trek. Según l'alcuerdu, el nuevu RadioShack correría cola llicencia UCI de categoría ProTour de la sociedá luxemburguesa Leopard (propiedá de Flavio Becca, y cola que corriera hasta entós Leopard Trek), ente que la xestión deportiva correspondería a Johan Bruyneel Sports Management (la empresa de Johan Bruyneel) y los llabores de marketing a CSE (que desempeñaría esi llabor dende Austin, Texas).^[1] El nuevu equipu fundíu rexistrar na UCI utilizando la llicencia de la sociedá Leopard S.A, entá vixente, colo cual l'equipu a pesar del nome de RadioShack Leopard, yera'l socesor del Leopard-Trek y non del Team RadioShack.

1. ↑ Error de cita: La etiqueta <ref> nun ye válida; nun se conseñó testu pa les referencies nomaes Leopard Trek confirms merger with RadioShack